Meksika i ka ofruar azil ish-presidentit bolivian Evo Morales, një ditë pas dorëheqjes së tij, pas javëve të protestës mbi zgjedhjet e diskutueshme.
Meksika thotë se vendimi është marrë për “arsye humanitare” pas kërkesës personale, transmeton portali arbresh.info
Morales i cili është ende në Bolivi, nuk ka dhënë asnjë koment.
Ai u ka bërë thirrje mbështetsve të tij që t’i rezistojnë ‘fuqive të errëta’ që e kishin detyrar atë të hiqe dorë nga pozita e Presidentit.
Vetëm gjatë përleshjeve të së hënës, rreth 20 persona janë plagosur.
Përkrahësit e Morales u ndeshën me policinë në La Paz, qyteti më i madh i Bolivisë, dhe gjithashtu në El Alto.
Morales, udhëheqësi i parë indigjen i Bolivisë, u tërhoq pasi kreu i ushtrisë i bëri thirrje publikisht që të linte postin e tij.
Presidenti amerikan Donald Trump të hënën e përshkroi dorëheqjen e Morales si “një moment domethënës për demokracinë në hemisferën perëndimore”, ndërkaq Rusia dhe Meksika, aleatët kryesorë të Bolivisë, e mbështetën atë dhe e dënuan dhunën./arbresh.info/
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...