Deputetja nga Lidhja Demokratike e Kosovës, Doruntinë Maloku, përmes një statusi në profilin e saj në facebook ka reaguar pas skandalit të mishit. shkruan arbresh.info.

Ajo ka shkruar se derisa mediat po vazhdojnë të raportojnë për “skandalin e mishit”, Agjencia e Ushqimit dhe Veterinarisë duhet t’u përgjigjet disa pyetjeve .

Deputetja Maloku, ka kërkuar nga Qeveria e Kosovës që urgjentisht të rrisë numrin e inspektorëve edhe në Doganë edhe në terren në mënyrë që kjo situatë të mos përsëritet!

Ky është shkrimi i saj i plotë në facebook:

“Mediat po vazhdojnë të raportojnë për”Skandalin e mishit”.

Agjencia e Ushqimit dhe Veterinarisë duhet t’u përgjigjet këtyre pyetjeve:

1. Pse nuk është ndaluar mishi pa afat në Doganë nga Inspektorët e AUV?
2. Sa është sasisa e mishit të importuar dhe nga cilat kompani është importuar?
3. Cilat markete apo mishtore në Kosovë e kanë shitur?
4. A po zhvillohet operacioni i inspektimit në gjithë territorin e Kosovës?
5. Cilat janë fabrikat e përpunimit të mishit të cilat janë inspektuar dhe u janë evidentuar parregullsitë?
6. Çfarë masash po ndërmerren për ndalimin e shitjes së këtyre produkteve?

Zyra e Kryeministrit të Kosovës e cila është direkt përgjegjëse për Agjencinë e Ushqimit dhe Veterinarisë duhet urgjentisht t’i informojë qytetarët e Kosovës për rrjedhën si dhe për pasojat që mund të kenë nga konsumimi i këtyre produkteve!

Qeveria e Kosovës duhet urgjentisht të rrisë numrin e inspektorëve edhe në Doganë edhe në terren në mënyrë që kjo situatë të mos përsëritet!

Ndërsa, ata që kanë helmuar e mashtruar konsumatorët, pres që ta marrin dënimin e merituar!”, ka shkruar ajo në facebook./arbresh.info/