Bilall Sherifi nga NISMA për Kosovën ka thënë se Kosova është kushtëzuar që komuniteti t serb ti japin të drejta ekskluzive në funksion të njohjes së pavarësisë së Kosovës.

“Këtu kemi ngecur sepse Serbia nuk e njeh pakon e Ahtisarit. Serbët nuk e njohin pavarësinë e Kosovës. Ne të gjitha partitë politike themi se Pako e Ahtisarit është kufiri i kompromisit që ka mundur të bëhet në kambim të shpalljes së pavarësisë së Kosovës”, ka thënë ai.

Sherifi ka thënë se tendencat e Serbisë vazhdimist kanë qenë që të dilet jashtë pakos së Ahtisarit.

“Ndonëse ata nuk e thonin këtë , ata me gjëra të tjera thonin se kjo pako nuk mjafton. Kështu Kosova në mënryë arbitrare e udhëheqi dialogun dhe sillte marrëveshje që nuk janë në pakon e Ahtisarit. Ne mund të hedhim topin tek njëri tjerti dhe të themi se dhuna e opozitës e dëmton Kosovën, mirëpo më shumë është që servilizmi i disa partive dhe disa subjekteve e ka dëmtuar më shumë Kosovën”, tha ai.

Sherifi ka thënë se Kushtetutën  e kanë nënshkruar ndërkombëtarët.

‘Kushtetutën nuk e kemi nënshkruar ne. Leni pallavrat. Kushtetutën e kanë nënshkruar ekspertë ndërkombëtar që e kanë përkthyer nga Pako e Ahtisarit”, ka theksuar ai.