Një grua në moshë ka mbetur e vdekur dje në rrugën “Muharrem Fejza” në Prishtinë.

Fillimisht nuk dihej nëse vdekja erdhi si pasojë e shkaqeve natyrale, apo ishte në pyetje ndonjë aksident, por më pas, dëshmitarët në vendin e ngjarjes i kanë thënë Klan Kosovës se e moshuara u godit nga autobusi.

Policia ka arrestuar shoferin e autobusit, si të dyshuar për këtë rast.

“Një i dyshuar (shofer i autobusit) është arrestuar dhe pas intervistimit është dërguar në mbajtje”.

Ndërsa, dje policët që kanë dalur për të inspektuar vendin ku ka ndodhur aksidenti, kanë treguar se shoferi i autobusit fillimisht kishte ikur, por më pas është dorëzuar vet në polici.

Në vendin e ngjarjes dje pasdite vdekjen e gruan e ka konstatuar Mjekësia Ligjore, ndërsa trupi i pajetë është dërguar për obduksion, derisa sot do t’u kthehet familjarëve.