Ditët e fundit, një nga personat më të përfolur në showbizin shqiptar është padyshim biznesmeni Fatmir Hysenbelliu.
Pasi mori pjesë në një darkë bamirësie të organizuar nga aktorja dhe modelja e njohur Pamela Anderson, Hysebelliu u pa të dilte nga hoteli i Anderson dhe kaq mjaftoi që mediat të aludojnë për një romancë mes tyre.

Algen Nikolla, ish-banor i Big Brother dhe menaxher eventesh në Francë, i cili mendohet të jetë edhe “shkuesi” i shqiptarit dhe modeles, i ka hedhur të gjitha aludimet poshtë.

Në një lidhje direkte në Wake Up mëngjesin e sotëm, Nikolla shprehet: “Ka qenë thjesht një event bamirësie, ku unë ftova Fatmir Hysenbelliun, i cili ishte në tavolinë shumë pranë Pamela Anderson. Pastaj fjala nxori fjalën derisa u sajua kjo histori. Në evente të tilla, nëse ke para dhe je i ftuar, mund të qëllosh në tavolina pranë shumë personazheve të njohur!”.

Ndërkohë, as Hysenbelliu dhe as Anderson nuk kanë folur për këtë çështje.