Presidenti i AKR-së, Behgjet Pacolli në një postim në Facebook ka treguar se partisë së tij i është ofruar në muajin janar të këtij viti të paguante për sondazhin e publikuar sot, shkruan portali arbresh.info.

Mes tjerash ai ka thënë partia e tij është e vendosur të ecë përpara në frymën e fitores dhe kthimin e shpresës tek qytetarët.

Shkrimi i plotë i Pacollit:

Sikur AKR ti përgjigjej pozitivisht kërkesës për të paguar sondazhin që u publikua sot (një ofertë e tillë ka ardhur në janar të këtij viti) sigurisht se do të rënditej shumë lartë, ndoshta do të dilnim edhe partia e parë.

AKR dhe unë jemi të vendosur që të ecim përpara, në frymën e fitores, kthimin e shpresës për qytetarët e Kosovës dhe krijimin e perspektivës së punësimit për rininë tonë.

Partitë do të ishte mirë që të angazhohen që qytetarit të Kosovës ti ofrojnë zgjidhje të problemevë dhe lehtësim të jetës, e jo sondazhe të porositura që e manipulojnë qytetarin.

Për gjendjen e mjerueshme të Kosovës dhe qytetarëve të saj, përgjegjës janë të gjithë këta politikanë dhe përfaqësues partish politike, bashkë me organizata që për qëllim e kanë pasurimin financiar, që në një formë ose tjetër po vazhdojnë të tallen me qytetarin.

Kosova meriton më mirë!

#AKR shpresë për Kosovën