‘NISMA për Kosovën’ kanë reaguar ndaj sondazhit të ‘Lëvizjes Vetëvendosje’ që e radhiti këtë subjekt politik si të gjashtin, me vetëm 2.5 për qind të përkrahjes elektorale – që nënkupton mos kalim të pragut për të marrë ulëse në kuvend.

Sipas NISMA-s përkundrazi ka shënuar rritje në vend, që në matjet e tyre parashihet rritja në 10 e numrit të deputeteve.

“Nëse sot mbahen zgjedhjet NISMA për Kosovën i ka të sigurt se do të fitojë 10 deputetë në parlamentin e Kosovë. Nëpër media sot po qarkullojnë disa sondazhe të porositura e të cilat kanë për qëllim të vetëm dezinformimin e opinionit publik”, thuhet në reagimin e NISMA-s.

“Për hir të së vërtetës dhe opinionit ne ju informojmë se NISMA për Kosovën rregullisht bënë matjen e opinionit publik për nevojat e saja të brendshme dhe nga këto rezultate del se: Nëse sot mbahen zgjedhjet NISMA për Kosovën i ka të sigurt se do të fitoj 10 deputet për parlamentin e Kosovës, kjo është e vërteta e disponimit momental të opinionit publik në Kosovë”,thuhet në reagimin e kësaj partie.

“Ky rezultat është rrjedhë logjike kur shihet aktiviteti i përditshëm i NISMA-së nëpër gjithë Kosovën poashtu edhe aderimet e shumta të intelektuale e të rinjve në NISMA në të gjitha qytetet e Kosovës”, përfundon reagimi.

Ndryshe, Lëvizja Vetëvendosje përmes një konference për media ka publikuar një sondazh që i radhitë ata si partinë e parë në vend, duke lenë pas dy partitë qeverisëse PDK dhe LDK.