Liga e Parë këtë të hënë është njoftuar me lideren e re të kampionatit e cila është Trepça ’89.

Skuadra mitrovicase ka mposhtur sot Tefik Çangën me rezultat minimal 0-1 në udhëtimin e vështirë në Ferizaj, shkruan Arbresh.info.

Golin e vetëm në këtë ndeshje e realizoi Albin Kapra.

Me këtë fitore ‘Xehetarët’ ngritën në pozitën e parë me 45 pikë të grumbulluara pas 21 xhirove, duke lënë pas Vushtrrinë e Dinamon me nga 44 dhe Feronikelin ’74 me 43 sosh.

Pas tyre vijnë Liria me 42 e Vëllaznimi me 41. Kujtojmë se dy vendet e para inkuadrohen direkt në Superligën e Kosovës për edicionin 2026/27.

89’shi javën tjetër takohet me Ramiz Sadikun, Vushtrria do të takohet me Ramiz Sadikun, Dinamo do të ketë punë me Feronikelin ’74 teksa Liria përballet me KEK-un.

Kandidati tjetër për Superligë, Vëllaznimi ka punën me Trepçën./Arbresh.info