Kryeministri në detyrë, Albin Kurti ka dhënë detaje rreth takimeve që ka zhvilluar sot në Davos të Zvicrës.

Përmes një postimi në Facebook, Kurti ka bërë të ditur se ditën e ka nisur në Shtëpinë e Shteteve të Bashkuara të Amerikës në Davos, ku ishte i ftuar të marrë pjesë në panelin me temën “Besimi, lidershipi dhe Amerika 250”.

“Vijuam takimet me sipërmarrës, si dhe bisedat në Shtëpinë e Kosovës me ish-ministrin britanik Rory Stewart, dhe dy panele mbi demokracinë, sigurinë, qeverisjen dhe mundësitë për investime mes eskpertëve të fushës dhe studiues. Me ftesë nga Forumi Ekonomik Botëror, u bëmë bashkë me liderë shtetërorë e qeveritarë dhe udhëheqës nga organizata ndërkombëtare, në darkën e organizuar këtë mbrëmje në kuadër të Forumit”, ka shkruar Kurti./Arbresh.info