Real Madridi nuk e kapërdiu assesi humbjen e mbrëmshme nga Barcelona në Superkupën e Spanjës.

Menjëherë pas kësaj ditën e sotme, me vendim të dyanshëm trajneri Xabi Alonso përfundoi aventurën e tij në krye të klubit mbretëror, shkruan Arbresh.info.

Alonso e udhëhoqi klubin saktësisht 209 ditë, ku nuk arriti të fitojë asnjë trofe, përkundër që mund t’i fitoj dy të tillë.

Rrugëtimin në Madrid, strategu bask e nisi në Botërorin e Klubeve, ku arriti deri në gjysmëfinale, aty ku u mposht nga Parisi 4-0.

Reali e nisi shumë mirë La Ligan madje triumfoi edhe në “El Clasicon” e parë me Barcelonën 2-1, mirëpo një zëvendësim i Vinicius Juniorit shkaktoi polemika të mëdha, dhe nga ai moment situata asnjëherë më nuk ishte e njëjtë.

Në atë pikë Reali ishte liderë para Barcelonës, ndërsa në këtë moment kur kanë kaluar 19 xhiro në La Liga, skuadra e Flick po prin me katër pikë para Real Madridit.

Që nga ai moment Reali zhvilloi 14 ndeshje ku katër prej tyre i humbi dhe tri tjera barazoi.

Një bilanc i tmerrshëm, për dallim se si nisi aventura e Xabit.

Edhe në Ligën e Kampionëve, punët nuk i ecën aq mirë, në dy derbit me dy gjigantët anglez Liverpoolin dhe Manchester Cityt, Reali pësoi disfatë.

Madje në sfidën me Cityn u mposht në Bernabeu.

Testi final i Alonsos ishte Superkupa e Spanjës. Por as këtu nuk u tregua rezultat, Reali u mposht në finale nga Barcelona 3-2. Kjo bëri që Reali dhe Alonsos t’i japin fund bashkëpunimit të tyre, pas 31 ndeshjeve.

Në këto sfida nën drejtimin e Alonsos, Reali pati 22 fitore, katër barazime dhe pesë humbje.

Tashmë në krye të “Los Blancos” do të jetë Alvaro Arbeloa./Arbresh.info