Një person është therur me thikë gjatë një përleshje mes disa personave në Podujevë, raporton Policia e Kosovës.

Sipas policisë, viktima është dërguar në QKUK për tretman mjekësor, shkruan Arbresh.info.

Lidhur me rastin tre persona janë arrestuar ku gjatë kontrollit tek të dyshuarit janë gjetur dhe sekuestruar dy mjete të mprehta –thika.

“Podujevë / 03.11.2025 – 14:35. Është pranuar një informatë për përleshje mes disa personave. Në vendin e ngjarjes është hasur viktima mashkull kosovar i lënduar, i cili dyshohet se është lënduar me një mjet i mprehtë-thikë, dhe i njëjti është dërguar në QKUK për tretman të mjekësor. Lidhur me rastin janë arrestuar tre të dyshuar meshkuj kosovarë, ku gjatë kontrollit tek të dyshuarit janë gjetur dhe sekuestruar dy mjete të mprehta –thika. Me vendim të prokurorit dy nga të dyshuarit janë dërguar në mbajtje, ndërsa i treti është liruar në procedurë të rregullt”, thuhet në raportin 24 orësh të PK./Arbresh.info