Forca e Sigurisë së Kosovës (FSK) ka nisur ushtrimin fushor “Ujku Shigjetë”, i cili po realizohet nga Regjimenti i Tretë i Komandës së Forcave Tokësore.

Përmes këtij angazhimi, FSK synon të dëshmojë përkushtimin e saj për ngritjen e vazhdueshme të kapaciteteve profesionale dhe operacionale.

“Forca e Sigurisë së Kosovës përmes Regjimentit të Tretë të Komandës së Forcave Tokësore është duke zhvilluar ushtrimin fushorë “Ujku Shigjetë”. Ky ushtrim vjen pas një cikli të gjatë trajnimesh dhe përgatitjesh intensive në kuadër të procesit të validimit të regjimentit. Gjatë këtij ushtrimi po testohen aftësitë dhe kapacitetet luftarake të njësisë në nivel taktik, me qëllim që të vlerësohet gatishmëria operacionale dhe përmbushja e standardeve të kërkuara për validim”, thuhet në njoftim./Arbresh.info