Disa automjete të Forcës së Sigurisë së Kosovës (FSK) kanë hyrë  gabimisht në territorin e Mitrovicës së Veriut të enjten, ku kanë qëndruar për rreth dhjetë minuta, njoftoi zëvendësdrejtori i Policisë për rajonin e veriut, Veton Elshani.

Sipas raportimeve dhe videove të shpërndara në Telegram, rreth dhjetë automjete hynë në këtë pjesë të veriut të Kosovës në orët e mëngjesit.

Fillimisht, qytetarët menduan se bëhej fjalë për KFOR-in.

Elshani konfirmoi se automjetet ishin pjesë e FSK-së dhe se pjesëtarët e tyre qëndruan për disa minuta në një stacion karburanti, ku u kontrolluan nga policia.

Ai shtoi se ushtarët e FSK-së nuk ishin të armatosur dhe se pretenduan se kishin gabuar duke menduar se ishin në Mitrovicën e Jugut.

https://kossev.info/kosovo-najnovije-vesti-kbs-glavnom-ulicom-u-severnoj-mitrovici-eljsani-pogresili-lokaciju/