Të martën mbrëma, në ambientet e Kalasë së Beogradit u mbajt një ceremoni ku u nderuan serbët e vrarë gjatë sulmit të armatosur në Banjskë më 24 shtator 2023 – një ngjarje e cilësuar si akt terrorist nga autoritetet e Kosovës dhe ndërkombëtarët.

Sipas raportimeve të televizionit N1, gjatë ceremonisë u ndezën flakadanë në nder të Stefan Nedeljkoviqit, Bojan Mijailoviqit dhe Igor Milenkoviqit – pjesëtarë të grupit të armatosur që udhëhiqej nga Milan Radoiçiq, i cili publikisht ka marrë përgjegjësinë për sulmin në veri të Kosovës.

Ndryshe, sot bëhen dy vjet kur në në fshatin Banjskë të Zveçanit, një grup terrorist, i prirë nga ish-politikani Millan Radoiçiq, sulmoi Policinë e Kosovës.

Mëngjesin e 24 shtatorit 2023, mbeti i vrarë rreshteri Afrim Bunjaku, u plagos polici Alban Rashiti e u lëndua një tjetër, në një sulm nga një grup i organizuar në Banjskë të Zveçanit.

Sulmi u dënua nga krerët e shtetit dhe ndërkombëtarët, duke bërë thirrje që autorët të dalin para drejtësisë.