Berisha kundër bullizimit ndaj Dimal Bashës: Kritikët ndaj tij, po bëjnë hipokrizi për UÇK-në

11:28 | 28 Gusht 2025
E.K

Deputeti i Aleancës për Ardhmërinë e Kosovës (AAK), Bekë Berisha, ka komentuar debatet dhe sulmet ndaj kryetarit të Kuvendit, Dimal Basha, pas publikimit të një shkrimi të tij të vitit 2012 që lidhet me Ushtrinë Çlirimtare të Kosovës (UÇK).

Berisha tha se shumë figura publike kanë folur më parë kundër UÇK-së, duke përmendur akademikun Mehmet Kraja dhe ish-kryeministrin Isa Mustafa.

“Goxha do njerëz kanë fol kundër UÇK-së. Tash po dalin kundër Dimal Bashës sikur pe mbrojnë UÇK-në. Hulmutoni qka ka fol Mehmet Kraja, Isa Mustafa. Dimal Basha është qytetar i Kosovës, dhe duhet me majtë gojën pak edhe nuk duhet të bullizohet deri në atë formë, është deputet i zgjedhur i Kuvendit të Kosovës”, tha Berisha.