Zjarret në Kosovë: 15 vatra aktive, kërkohet ndërhyrja e KFOR-it

22:10 | 9 Gusht 2025
Q L

Gjatë ditës së sotme në Kosovë janë regjistruar 40 vatra zjarri, 15 prej të cilave vazhdojnë të jenë ende aktive.

Sipas të dhënave të Agjencisë së Menaxhimit Emergjent, 25 vatra të tjera janë lokalizuar.

AME njofton se situata më e rënduar është regjistruar në fshatin Dumnicë të Podujevës, ku është kërkuar asistencë nga njësi të tjera.

Bëhet e ditur poashtu se në këtë operacion janë angazhuar njësitë e Prishtinës, Vushtrrisë dhe Mitrovicës, ndërkohë që është bërë edhe kërkesë për ndërhyrje ajrore nga KFOR-i për të ndihmuar në shuarjen e zjarrit.

“Menaxhimi i situatës po bëhet në koordinim të plotë me Njësitë Profesionale të Zjarrfikjes dhe Shpëtimit”.

“Agjencia u bën apel të gjithë qytetarëve që të tregojnë kujdes të shtuar, të shmangin çdo veprim që mund të shkaktojë zjarr dhe të raportojnë menjëherë çdo vatër në numrat emergjentë 112, 193 dhe 192”, thekson AME.