Policia Rajonale e Pejës po vazhdon me implementimin e planit operativ “Motoçikletat 2025”, me datat 19/20.07.2025, nё qytetin e Pejёs.

Gjatё realizimit tё kёtij plani janё sekuestruar disa motoçikleta dhe janё proceduar 62 kundёrvajtje, pёr mosposedimi i lejes pёr vozitje, mosposedimi i kategorisё pёrkatёse, ngasje e mjetit pa regjistrim dhe kundёrvajtje tjera.

“Aktivitete dhe detyra të shumta policore, që janë të planifikuara në kuadër të Drejtorisё Rajonale tё Policisё në Pejë, do të vazhdojnë në mënyrë intensive në ditët në vijim, pa asnjë tolerim ndaj secilit kundërvajtës. Krejt kjo në të mirë të rregullimit të komunikacionit, si dhe parandalimit të aksidenteve”, thuhet në njoftim.

Drejtoria Rajonale e Policisë në Pejë apelon tek të gjithë pjesëmarrësit në komunikacion, e veçanërisht tek ngasësit e motoçikletave, tё respektojnë rregullat e komunikacionit./Arbresh.info