Një foshnje rreth 9-muajshe ka ndërruar jetë të premten në Qendrën Klinike Universitare të Kosovës (QKUK), pasi ishte transferuar atje nga Spitali Rajonal i Prizrenit për trajtim të mëtejmë.

Sipas informacioneve të para, më 29 qershor, foshnja ishte dërguar në Emergjencën e Spitalit të Prizrenit. Dyshohet se, teksa ndodhej në gjumë në djep, ishte ngulfatur nga lidhësja e djepit.

Lajmin për Arbresh.info e ka konfirmuar zëdhënësi i Policisë për rajonin e Prizrenit, Shaqir Bytyqi.

“Më datë 29.06.2025, Policia e Kosovës është njoftuar se në Emergjencën e Spitalit Rajonal të Prizrenit është sjellë një foshnje 9 muajshe për trajtim mjekësor. Sipas informatave, foshnja H.M. (2024), nga fshati Gjinoc, Komuna e Suharekës, derisa ka qenë në djep (në gjumë), është ngulfatur nga lidhësja e djepit. Foshnja, pasi ka pranuar trajtimin mjekësor në Spitalin Rajonal të Prizrenit, është transferuar në QKUK, Prishtinë, për trajtim të mëtutjeshëm. Më datë 11.07.2025, Policia e Kosovës ka pranuar informacionin se foshnja e lartcekur ka ndërruar jetë. Lidhur me rastin është njoftuar Prokurori Publik, i cili ka urdhëruar që trupi i pajetë të dërgohet në Institutin e Mjekësisë Ligjore për autopsi”, tha Bytyqi./Arbresh.info

LEXO EDHE:

Foshnja 9-muajshe ndërroi jetë në QKUK, rasti po hetohet