Rreth 2 mijë e 300 persona humbën jetën për shkak të të nxehtit në 12 qytete europiane gjatë një vale të fortë të nxehti që përfundoi më 2 korrik, sipas një analize të shpejtë shkencore.

Studiues nga Imperial College London dhe London School of Hygiene and Tropical Medicine thonë se 1,500 nga këto vdekje lidhen drejtpërdrejt me ndikimin e ndryshimeve klimatike, që e bëri valën më të fortë dhe më të rrezikshme, shkruan Reuters,.

Temperaturat kapërcyen 40°C në Spanjë dhe shkaktuan zjarre në Francë. Studimi përfshiu qytete si Barcelona, Madrid, Londra dhe Milano, ku vala e të nxehtit u rrit me deri në 4°C për shkak të klimës.

Muaji i kaluar ishte qershori i tretë më i nxehtë në histori, ndërsa në Europën Perëndimore u regjistrua qershori më i nxehtë ndonjëherë, sipas shërbimit klimatik të BE-së, Copernicus.