Një grua në orët e hershme të mëngjesit është mbajtur peng nga një person në Qendrën Klinike Universitare të Kosovës (QKUK).

Një person e mban peng një grua brenda QKUK-së, intervenojnë edhe zjarrfikësit

Policia e Kosovës kanë bërë të ditur se rreth orës 06:30, një grua ka kërkuar ndihmë nga policia pasi që është ndier e frikësuar nga bashkëshorti i saj, i cili i ka shkuar në vendin e punës dhe ia ka kufizuar lëvizjen.

Sipas zëdhënësit të Policisë së Kosovës për rajonin e Prishtinës, Agron Borovci, policia ka dalë në vendin e ngjarjes, ka ndërmarrë të gjitha veprimet e nevojshme për sigurinë e ankueses, ndërkaq ka neutralizuar veprimet e të dyshuarit.

“Aktualisht policia po trajton rrethanat e raportuara që ndërlidhen me rastin, përderisa të dyshuarin e ka shoqëruar në stacioni policor si pjesë e vijimësisë hetimore”, ka thënë Borovci./Arbresh.info