Drejtori i Përgjithshëm i Policisë së Kosovës, kolonel Gazmend Hoxha, i shoqëruar nga stafi i lartë menaxhues, ka pritur në takim drejtorin e Qendrës Klinike Universitare të Kosovës (QKUK), Osman Hajdari, dhe drejtorin e Departamentit Mjekësor të SHSKUK-së,  Ardian Shefkiu, të cilët ishin të shoqëruar edhe nga drejtorë të klinikave të ndryshme mjekësore.

Në shenjë mirënjohje për mbështetjen e dhënë në përkrahjen shëndetësore ndaj punonjësve të policisë, drejtori Hoxha ka ndarë mirënjohje për menaxhmentin dhe personelin mjekësor.

“Angazhimi i personelit mjekësor, për të cilët PK-ja është mjaft falënderuese dhe mirënjohëse, ka ndikuar në ngritjen e efikasitetit të punës së punonjësve policorë në kryerjen e detyrave zyrtare për ruajtjen e rendit dhe sigurisë publike në Republikën e Kosovës”, thuhet në njoftim./Arbresh.info