Policia e Kosovës ka gjobitur dy persona në Kamenicë, pasi të njëjtit ishin duke zhvilluar gara shpejtësie.

Në njoftimin e policisë bëhet e ditur se atyre u është shqiptuar gjoba prej 400 euro dhe katër pikë negative, si dhe masa e përkohshme përkohshme të ndalim vozitjes së mjeteve motorike në afat prej dhjetë (10) muaj.

“Njësiti i policisë nga stacioni policor në Kamenicë si rezultat i ndërmarrjes së veprimeve operative dhe hetimore ka identifikuar dy kundërvajtës të cilët në aksi rrugor Kamenicë – Crep ishin duke zhvilluar gara të shpejtësisë me automjetet e tyre në zonën e banuar ku kufizimi i shpejtësisë së lejuar është pesëdhjetë (50) km/h”, thuhet në njoftimin e policisë.

“Të njëjtëve konform ligjit për rregullat në trafikun rrugor 08/L- 186 neni 51 paragrafi 5 u janë shqiptuar gjoba në vlerë prej katërqind (400) euro, katër (4) pikë negative dhe masën e përkohshme të ndalim vozitjes së mjeteve motorike në afat prej dhjetë (10) muaj”, njofton policia.

Tutje policia ka apeluar te vozitësit që t’i respektojnë normat dhe ligjet e trafikut rrugor./Arbresh.info/