Ministri i i Kulturës, Rinisë dhe Sportit, Hajrullah Çeku ka njoftuar se është nënshkruar marrëveshja për transformimin e tërësishëm të Pallatit të Rinisë në kryeqytet.

Me anë të një postimi në Facebook, Çeku ka thënë se Pallati i Rinisë është në shërbim të artistëve, sportistëve e të rinjve.

“Pas rinovimit të dy hapësirave të rëndësishme, palestrës së sportit dhe amfiteatrit të TKK-së, vazhdojmë me projektin tonë ambicioz të transformimit të tërësishëm të Pallatit të Rinisë në shërbim të artistëve, sportistëve e të rinjve tanë dhe në përgatitje me dinamikë të lartë për mikpritjen e Lojërave Mesdhetare Prishtina 2030”, ka shkruar Çeku.

“Sot kemi nënshkruar marrëveshjen e bashkëpunimit me Mrika Gashin, kryeshefe e ndërmarrjes publike “Pallati i Rinisë”. Në planin tonë të investimeve parashihen ndërhyrjet për rinovim dhe rivitalizim të sallës së madhe të sportit (salla universale), hapësirave dhe strukturave ndërlidhëse të sportit, sallës së kuqe, ateliesë, amfiteatrit të dytë, atriumit, pllatosë dhe parkingut nën-tokësor”, shtoi Çeku./Arbresh.info