Jennifer Lopez i la pak vend imagjinatës teksa pozoi para kamerës me një set të brendshmesh të kuqe, duke u shfaqur me pjesë nga koleksioni i labelit për Ditën e Shën Valentinit.

Diva e muzikës pop shfaqej plot shkëlqim në një foto të postuar në rrjetin e saj social Instagram, duke treguar sërish që vitet për Jennifer Lopez janë thjesht numra.

Jennifer u fotografua duke nuhatur njërën nga dy buqetat me trëndafila të kuq në tryezën përballë saj.

Lopez dukej e mrekullueshme me flokët lëshuar me onde në një stil romantik. Ndërsa trupi i tonifikuar i 54-vjeçares sigurisht që tërhoqi vëmendjen e ndjekësve të cilët ishin të mahnitur nga fiziku i saj.

Postimi i saj vjen pas publikimit të këngës së saj të fundit, “Can’t Get Enough”, në fillim të këtij muaji, nga albumi i saj i ri “This Is Me”.

Në këngën e re, JLo këndon për marrëdhënien e saj me Affleck, me të cilin u martua në Las Vegas në Korrik të 2022.