Qeveria e Kosovës në mbledhjen e mbajtur sot ka emëruar anëtarët e Bordit të drejtorëve të Ndërmarrjes Publike Qendrore Hekurudhat e Kosovës, Train-Kos dhe anëtarët e Bordit të drejtorëve të Komapnisë Rajonale të Ujësjellësit KRU Mitrovica.

Kryeministri i vendit, Albin Kurti, tha se në listën e ngushtë janë përzgjedhur 39 kandidatë, ku gjashtë prej tyre janë zgjedhur si anëtarë në Train-Kos në kuadër të Bordit të drejtorëve.

Si anëtarë të Bordit të Train-Kosit janë zgjedhur Jetmira Nuka, kryesuese, Vjollca Salihu, anëtare, Luljeta Lutfiu, anëtare, Ruzhdi Zeqiri, anëtar, Kimete Fazliu, anëtare, Afrim Bulluti, anëtar.

“Mandati i të emëruarve zgjat 3 vjet, natyrisht pasiqë t’i miratojmë ata. I emëruam si anëtarë në Tranikos në kuadër të bordit të drejtorëve atje”, tha Kurti, njofton Klankosova.tv.

Ndërsa, për sa i përket anëtarëve në listën përfundimtare janë përzgjedhur 11 kandidatë, ku në fjalën e tij, kreu i qeverisë tha se “për 1 anëtar të bordit të “KRU Mitrovica”, propozoj të emërohet Aurora Dinaj si anëtare”.