Ad Banner
Ad Banner
Ad Banner
Ad Banner

Kapet me drogë dhe armë zjarri në makinë, arrestohet 21 vjeçari në Sarandë

11:05 | 30 Gusht 2023
E.K

Një 21 vjeçar ka rënë në prangat e policisë së Sarandës pasi u kap me lëndë narkotike dhe armë zjarri në makinë. Arrestimi i të riut u bë i mundur pas një kontrolli që policia ushtroi në automjetin tip ‘Benz’ që po lëvizte në aksin rrugor Sarandë-Ksamil pranë gjirit të Hartës.

Gjatë kontrollit fizik ndaj 21 vjeçarit dhe kontrollit në automjet, shërbimet e Policisë gjetën dhe sekuestruan në cilësinë e provës materiale një armë zjarri pistoletë me municion luftarak, një sasi dozash kokaine dhe një shumë të konsiderueshme parash (3 180 euro dhe 45 000 lekë).

Në vijim të veprimeve, gjatë kontrollit në banesë, policia gjeti dhe një armë gjahu të cilën ky shtetas e mbante pa leje, si dhe 460 fishekë luftarakë. Në pranga ka rënë edhe një 22 vjeçar që ishte pasagjer për moskallëzim krimi./abcnews.al/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm