Medvedev: Rusia do t’i arrijë qëllimet e saj edhe pse Perëndimi ka plan afatgjatë për ta shkatërruar

00:17 | 9 Gusht 2022
Trina Galanxhi

Një nga aleatët më të afërt të Presidentit Vladimir Putin pretendon se lufta e Rusisë në Ukrainë po arrin paqen sipas kushteve të Rusisë.

Ish-presidenti rus Dmitry Medvedev tani shërben si nënkryetar i Këshillit të Sigurimit të Rusisë.

Ai ka thënë për median ruse TASS se Rusia do t’i arrijë qëllimet e saj në konfliktin në Ukrainë me kushtet e veta.

Ai paralajmëron se Perëndimi ka një plan afatgjatë për të shkatërruar Rusinë.

“Rusia po kryen një operacion special ushtarak në Ukrainë dhe po arrin paqen sipas kushteve tona,” thotë ai.

Medvedev pretendon se lufta e vitit 2008 në Gjeorgji, zgjerimi i aleancës ushtarake të NATO-s drejt perëndimit dhe lufta në Ukrainë janë pjesë e një përpjekjeje të Shteteve të Bashkuara dhe aleatëve të saj për të shkatërruar Rusinë.

“Qëllimi është i njëjtë: të shkatërrohet Rusia”, thotë ai./tch/