Diplomatët ukrainas të vendosur më parë në Moskë arritën në Letoni të mërkurën në mbrëmje, tha ministri i jashtëm i Letonisë, transmeton arbresh.info.

“Letonia mirëpret diplomatët ukrainas që u larguan nga Moska dhe kaluan kufirin letono-rus mbrëmë”, shkroi ministri Edgars Rinkevics në Twitter të enjten.

Letonia tha të shtunën se do t’u jepte strehim diplomatëve pas pranimit të lutjes së tyre për ndihmë, raportoi Reuters.

Ndërkohë, Hungaria ka evakuuar 32 persona nga ambasada e saj në Kiev, duke përfshirë disa punonjës të ambasadës hungareze, dy gazetarë, 10 shtetas të Afrikës së Jugut dhe 10 shtetas nigerianë, tha të enjten Ministri i Jashtëm Peter Szijjarto.

Ai tha se stafi i evakuuar i ambasadës dhe shtetas të huaj kaluan në Hungari gjatë natës./arbresh.info/