Deputetja e VV-së, dhe bashkëshortja e Rexhep Selimit, Shqipe Mehmeti Selimi, i është drejtuar, drejtorit të policisë së Kosovës, Samedin Mehmetin, se a do tu përgjigjen dhomave të specializuara lidhur me mbrojtjen për lirimin me kusht të ish-krerëve të UÇK-së, shkruan arbresh.info.

E Mehmeti i tha se kjo pyetje duhet t’i bëhet Dhomave të Specializuara.

“Besoj që opinioni publik tashmë e di se na janë bë kërkesat nga avokatët mbrojtës dhe ne i kemi adresua kërkesat nga avokatët mbrojtës ndërsa pyetjet rreth Dhomave të Specializuara kisha pasë dëshirë me ua bë Dhomave të Specializuara”, tha ai.

Bashkëshortja e Rexhep Selimit, insistoi duke kërkuar sqarime nga drejtori i Policisë, se cilat janë ato kushte.

“Po mendoj që Dhomat e Specializuara kanë kërkua që me ofrua dëshmi se çfarë kushtesh dhe dëshmi keni për të ofrua mbrojtjen e lirimit me kusht”.

Mehmeti tha se u takon kjo çështje Dhomave të Specializuara, por theksoi se informatat për kapacitete e Policisë tashmë i kanë dërguar në Hagë.

“Avokatët mbrojtës kanë bë kërkesa për kushtet e lirimit me kusht. Ne kemi dërgua kapacitetin dhe aftësinë tonë dhe mundësinë tonë për me sigurua lirimin me kusht, sa i përket çështjes rreth Dhomave të Specializuara, kisha pasë qejf me na kursye për shkak se ato i takojnë Dhomave të Specializuara, jo neve”, deklaroi Mehmeti./arbresh.info/