Shkëndija, skuadra nga Tetova edhe zyrtarisht shpallet kampion në ligën e Maqedonisë së Veriut, pas fitores me rezultat 3-1 ndaj Borecit.

Sot u luajt xhiroja e 29 në ligën e Maqedonisë së Veriut ku Shkëndija si vendase priti skuadrën e Borecit.

Në pjesën e parë, konkretisht në minutën e 13-të, Egzon Bejtullahi shënoi një auto-gol duke iu dhënë përparësi miqve, e duke mbetur në presion përgjatë gjithë pjesës së parë.

Pjesa e dytë erdhi me një ndryshim të dukshëm, me një lojë fantastike të Shkëndijës, ku për 7 minita shënuan tre gola.

Ishte Murati që barazoi rezultatin në minutën e 62-të, e pas tre minutash nuk vonoi as Besart Ibrahimi me golin e dytë në minutën e 65, për t’i dhënë avantazh skuadrës.

Thellimi i rezultatit erdhi me golin e Hebajt në minutën e 69-të.

Me këtë fitore Shkëndija shpallet Kampione në ligën e Maqedonisë së Veriut për sezonin 2020/2021.

Klubi shqiptar e përfundoi sezonin para kohe, pasi që aktualisht ka grumbulluar 68 pikë, 13-të më shumë se vendi i dytë, Shkupi./arbresh.info/