Nuk ka bllokadë nesër, do të miratohet buxheti me shumicë votash

21:35 | 16 Nëntor 2015
M. A.
Në seancën e nesërme të Kuvendit të Kosovës pritet të miratohet buxheti i parashikuar për vitin 2016. Këtë e ka konfirmuar një burim brenda Qeverisë së Kosovës për portalin parrotlla.net. Buxheti për vitin 2016 pritet të miratohet nesër me 2/3 e votave  të deputetëve të Kuvendit.

Ndërkaq, bëhet e ditur se pas seancës së nesërme ka gjasa, që për shkak të gjendjes aktuale politike në vend të shtyhen mbajtjet e seancave deri në janar të vitit të ardhshëm.

Buxheti i Kosovës, i parashikuar për vitin 2016  është në vlerë prej 1 miliard e 680 milionë eurosh apo 100 milionë euro më shumë se buxheti i këtij viti.

Shpërndaje në rrjete sociale