Sot në Këshillin e Sigurimit të Organizatës së Kombeve të Bashkuara diskutohet raporti për Kosovën i Sekretarit Gjeneral.

Në raportin 23 faqesh bëhet e ditur se Misioni i Administratës së Përkohshme të Kombeve të Bashkuara në Kosovë ofroi mbështetje për aktivitetet thelbësore të Institutit të Mjekësisë Ligjore të Kosovës në punën e tij mbi personat e zhdukur.

Më 16 nëntor 2020, ekspertë nga Misioni, Komisioni Qeveritar Serb për Personat e Zhdukur dhe Instituti i Mjekësisë Ligjore të Kosovës zbuluan mbetjet njerëzore në Kizhevak, një vend i madh gurorë në Serbi.

“Ekspertët e misionit do të vazhdojnë të ofrojnë ndihmë, pasi punimet e zhvarrosjes pritet të rinisin në tremujorin e dytë të 2021”, thuhet në raport, shkruan arbresh.info.

Misioni ka punuar që nga viti 2015 në Kiževak në kërkim të eshtrave njerëzore dhe ekspertët e tij kriminalistikë më në fund identifikuan zonën e saktë duke krahasuar fotot ajrore, duke ngushtuar kërkimin në koordinata specifike, të cilat çuan në zbulimin e mbetjeve njerëzore./arbresh.info/

Në KS të OKB-së, do të përmendet edhe njohja e Kosovës nga Izraeli

Delegacioni i Kosovës dhe ai i Serbisë, vëzhgojnë procesin e gërmimeve në Kizhevak