Këngëtarja shqiptare me famë ndërkombëtare, Rita Ora, ditë më parë paralajmëroi rikthimin në muzikë.

Ajo ka bashkuar forcat me yllin David Guetta, Gunna dhe reperin argjentinas Khea, projekti i të cilëve pritet të publikohet më 12 shkurt, shkruan portali arbresh.info

E artistja së fundi publikoi një pjesë të shkëputur nga klipi, në videon e shkurtër ajo tregoi se ka promovuar veshjet tradicionale shqiptare.

E për këtë gjë, Rita është duartrokitur nga të gjithë, madje edhe ushtruesja e detyrës së presidentes, Vjosa Osmani, e cila u shpreh tejet e lumtur.

“Kur Rita Ora dhe Valdrin Sahiti bashkojnë forcat për të promovuar traditën tonë si s’ka më mirë. Ju lumtë”, ka shkruar Vjosa.

Projekti i ri i yllit kosovar mezi po pritet edhe nga fansat e miqtë që mban në rrjete sociale. / arbresh.info/