Eksperti mjeko-ligjor që prej 21 vitesh merret me kërkimin e personave të pagjetur nga lufta në Kosovë, Arsim Gërxhaliu ka dhënë informata më shumë lidhur me gërmimet në Kizhevak.

Sipas tij punimet që po zgjasin prej pesë vitesh janë ndërprerë për shkak të kushteve atmosferike, shkruan portali arbresh.info

LEXO EDHE: Ndërpriten gërmimet në Kizhevak, shkak moti – Arbresh.info

Gërxhaliu thotë se para rifillimit të punimeve në pranverë do të mund të dihet identiteti i katër ose pesë personave në që janë gjetur në këtë varrezë masive.

“Janë tërhequr pjesë  kockore që janë ekzaminuar dhe janë marrë mostrat për ADN, para qasjes së punës në pranverë do të mund ta dimë cilit regjion i takojnë. Bëhet fjalë për katër ose pesë persona të cilët janë tërhequr nga ai lokacion, kurse pjesa e lokacionit është konservuar me standarde që nuk lejojnë lëvizjen dhe as lagien e vendit, thjesht është bërë konservim me standarde antropologjike”, tha mjeku Gërxhaliu./arbresh.info/