​Instituti Meteorologjik i Kosovës ka njoftuar për motin që do të mbizotërojë në fundjavë dhe javën e ardhshme.

Sipas IHMK-së, moti me diell do të na shoqërojë gjatë dy ditëve të vikendit.

“Temperaturat minimale do të lëvizin ndërmjet -1 deri 1 gradë Celsius, ndërsa më e larta e ditës do të lëvizë ndërmjet 13-15 gradë Celsius. Në pjesën e parë të ditës vende-vende do të ketë mjegull, gjë që, do ta zvogëloj shikueshmërinë horizontale. Shtypja atmosferike vazhdon të mbetet mbi vlerat e normales (1013 milibar), lagështia relative e ajrit në mëngjes do të jetë 92-95 % , gjatë ditës do të zbresë në 44-49%. Do të fryjë erë nga verilindja e lehtë deri mesatare”, thuhet në njoftimin e IHMK-së.

Java e ardhshme, sipas IHMK-së, pritet të jetë më e nxehtë , sidomos pesë ditët e para të javës vijuese.