Skënderbeu i është hakmarrë Sportingut te Lisbonës për disfatën e pasura në sfidën e parë, duke e mposhtur, me rezultat 3-0, në kuadër të javës së katërt në fazën e grupeve në Europa League, sonte në ‘Elbasan Arena’.

Kampionët e Shqipërisë kanë bërë një super ndeshjes në duel me skuadrën portugeze, duke shënuar fitoren e parë në Europa League.

Korçarët mjaft mirë e nisen lojën dhe vetëm pas një çerek lojë përmes Sabien Lilajt kaluan në epërsi prej 1-0, duke kënaqur ata pak shikues që ishin në tribuat e stadiumit ‘Elbasan Arena’.

Pesë minuta më vonë i njëjti lojtar dyfishoi rezultatin në 2-0, nga pika e bardhë, derisa portieri mysafirë u ‘skuq’ pas ndërhyrjes ndaj Latifit. Më epërsinë e Skënderbeut prej 2-0, skuadrat shkuan në pushim.

Edhe në pjesën e dytë, skuadra e Skënderbeut bëri lojë mjaft të mirë, ndërsa, Bakary Nimaga në minutën e 56-të ia dha goditjen e tretë Sportingut, duke ngritur epërsinë e nikoqirëve në 3-0, rezultat më të cilën edhe u mbyll ndeshja.

Skënderbeu arrin fitoren e parë në këtë nivel garash evropiane dhe zë vendin e fundit në Grupin H më vetëm tri pikë, kurse, Sportingu ka një pikë më shumë, derisa tabelën e kryeson Lokomtiva e Moskës më tetë pikë.