Sovran Syla nën shoqërimin e policisë ka dëgjuar sot se çfarë vendosi gjykata për sulmin e një viti më parë që bëri ndaj gazetarit të Klan Kosovës Milot Hasimjes.

Nën praninë e familjarëve të tij dhe të atyre të viktimës, por në mungesë të vetë Milotit që zyrtarisht gjendet jashtë vendit, Syla e kuptoi se u shpall fajtor për vrasje të rëndë në tentativë.

Posedimi i thikës me të cilën i shkaktoi plagë gazetarit në vendin e tij të punës i dha të akuzuarit edhe një dënim, njofton Klan Kosova.

Vetë i akuzuari e firmosi vendimin e gjykatës e ky dënim duket se nuk iu duk i rëndë.

Bile avokati i tij Mexhid Syla, nuk e pa të arsyeshme të komentoj verdiktin.

Deri në hyrjen në fuqi të vendimit, Syla do të qëndrojë në liri, pasi një ditë më parë iu hoq masa e arrestit shtëpiak.