Edhe pse pandemia globale anuloi çdo koncert e shfaqje, sukseset nuk munguan për Dua Lipën.

Dua, publikoi albumin “Future Nostalgia” në mars të këtij viti dhe shumë shpejt u ngjit në majat e top listave ndërkombëtare, shkruan portali arbresh.info

Artistja shqiptare para pak ditësh konfirmoi bashkëpunimin me dy emra të njohur të muzikës, Madonna dhe Missy Elliot.

Përmes një postimi në Instagram, këngëtarja ka njoftuar se bashkëpunimi i shumë pritur me Madonnën dhe Missy Elliot do të publikohet më 14 gusht.

Gjithashtu, Dua do të sjellë edhe remiksin e këngëve të tjera nga albumi “Future Nostalgia”, ku bashkëpunoi me të tjerë artistë të njohur. Në një prej këngëve ajo vjen në duet me The Blessed Madonna, ndërsa kënga lansohet më 21 gusht.

Në këngët e tjera, Duan do ta shohim në duet me Gween Stefani dhe Mark Ronson, kurse paralajmëron edhe shumë befasi të tjera.

Kujtojmë se, “Future Nostalgia” është një album me një numër të madh hitesh si: “Don’t start now”, “Physical”, “Break my heart” etj. /arbresh.info/