Ish-ministri i Punëve të Jashtme, Glauk Konjufca ka reaguar pas vendimit të Ministrisë së Punëve të Jashtme të Kosovë për pezullimin e vendimit për shkarkimin e ambasadorëve dhe konsujve, të cili ai e kishte marrë sa ishte në këtë institucion.

Konjufca përmes një postimi në Facebook,  ka thënë se vendimi i qeverisë Hoti për rikthim të konsujve që i kishte shkarkuar ai me anë të një vendimi, tregon për orientimin thellësisht të gabueshëm të LDK’së.

“Kosova ka vuajtur 20 vite nga bandat e zhvatjes së institucioneve shtetërore, të cilët edhe misionet tona diplomatike dhe shërbimin tonë të jashtëm e kanë kthyer në shitblerje kriminale të pozitave publike. Edhe vendimi im për kthimin e ambasadorëve politikë të cilët kanë hyrë në mandatin e dytë, ka qenë i drejtë, i ligjshëm dhe i domosdoshëm. Masa e të ngarkuarve politikë në misionet tona diplomatike ka shkuar në nivelin mbi 70%. Ligji thotë që duhet të jenë në 50%”, ka shkruar Konjufca.

Ish-ministri shton se vendimi i sotëm është argumenti më i mirë i mashtrimit të paskrupullt të elektoratit nga LDK-ja, duke ua premtuar në zgjedhje qytetarëve luftimin e krimit, por në të vërtet duke ua sjellur koalicionin e zhvatjes.

“Avdullah Hoti e ka bërë këtë veprim për shkak se është i shantazhueshëm nga PDK-ja, AAK-ja./arbresh.info

Postimi i plotë: