Menjëherë pas identifikimit të rasteve të para me virusin Covd 19 në Kosovë, Qendra e Studentëve të Universitetit të Prishtinës “Hasan Prishtina”,  është kthyer në karantinë për qytetarët e ardhur nga jashtë.

Banorët e përkohshëm të kësaj qendre janë ankuar për kushte jo të mira, shkruan arbresh.info.

Por, së shpejti duket se do të fillojë renovimi i saj.

Kështu bëhet e ditur në një njoftim të bërë publik në faqen zyrtare të Komisionit Rregullativ të Prokurimit Publik . Aty thuhet se do të bëhet furnizimi dhe montimi i dyerve konviktet e kësaj qendre.

E shuma që është planifikuar të shpenzohet është plot 360 mijë euro.

Aty nuk jepen detaje se për sa dyer bëhet fjalë por thuhet se dyert do të montohen në 7 konviktet.

arbresh.info të premten ka provuar të kontaktoj me zyrën për informim në Qendrën e Studentëve për të marrë më shumë detaje por që nuk janë përgjigjur.

Në përshkrimin  e shkurt të lëndës thuhet se do të bëhet ‘furnizimi dhe montimi i dyerve në Konviktin nr.1, 2, 3, 4, 5, 6 dhe nr.7 në Qendrën e Studentëve sipas specifikave’.

Aty ceken edhe kushtet e pjesëmarrjes ndër të tjera kërkohet edhe vërtetim nga ATK dhe Gjykata.

Një nga kriteret e dhënies së kontratës është ofrimi i çmimit më të ulët.

Afati i fundit për pranim të tenderëve është 12 maji, po këtë ditë do të bëhet edhe hapja e tenderëve. /arbresh.info/