Dy persona janë gjetur pa shenja jetë të hënën në Prishtinë.

Policia e Kosovës ka njoftuar se rreth mesditës një mashkull është gjetur i shtrirë në rrugën Fahri Fazliu  e i cili ka ndërruar jetë në Emergjencën e Prishtinës,  shkruan arbresh.info.

Në njoftimin 24 orësh të PK-së thuhet se vendim të prokurorit trupi i pa jetë është dërguar për obduksion.

Ndërsa pasdite rreth orës 17:00 një femër është gjetur pa shenja jete.

Edhe trupi i pajetë i viktimës është dërguar në IML për obduksion.

“Rr. Fahri Fazliu, Prishtinë 23.03.2020 – 11:20. Është gjetur i shtrirë në rrugë viktima mashkull  kosovar dhe i njëjti është dërguar në Emergjencën e Prishtinës, ku edhe ka ndërruar jetë. Me vendim të prokurorit trupi i pa jetë dërgohet për obduksion.

Prishtinë 23.03.2020 – 16:55. Është raportuar se viktima femër  kosovar është gjetur pa shenja jete. Vdekjen e viktimës, e ka konstatuar mjeku. Me vendim të prokurorit, trupi i pa jetë i viktimës është dërguar në IML për obduksion.”, thuhet në njoftimin e Policisë./arbresh.info/