Presidenti i ShBA-ve Donald Trump, para se të udhëtoj në Los Angeles nga aeroporti “Andrews”, komentoi bisedën telefonike që e kishte bërë gjatë fundjavës së kaluar me Presidentin Erdogan, transmeton arbresh.info.

Trump, duke e cilësuar Erdoganin si një udhëheqës “të fortë dhe të ashpër”, deklaroi se tashmë kanë marrëdhënie të mira.

Ai duke e komentuar bisedën telefonike që e kishte bërë me Presidentin Erdogan, gjatë javës së kaluar, deklaroi se në lidhje me problemet në Idlib, ShBA dhe Turqia janë në bashkëpunim të ngushtë.

Ndërkaq, sipas një komunikate të lëshuar nga Shtëpia e Bardhë në lidhje me bisedën telefonike Trump-Erdogan, thuhet se “Presidenti Trump ka falënderuar Erdoganin për përpjekjet e tij në parandalimin e një katastrofe humanitare.”/arbresh.info/