Në bazë të statistikave të prezantuara në këtë emision Prishtina për dekorimin e shesheve dhe rrugëve për këtë vit ka shpenzuar 63 mijë euro.

Qyteti i dytë që ka shpenzuar më shumë para për dekorim është Gjakova me 14 mijë euro.

Ferizaji qëndron në vendin e tretë sa u përket shpenzimeve për festat e fund vitit me 12 mijë euro të shpenzuara.

Në listën prej pesë komunave që kanë shpenzuar më së shumti për dekorimin e shesheve dhe rrugëve e katërta qëndron Komuna e Deçanit me 10 mijë euro.

Top pesëshen e komunave që kanë shpenzuar më së shumti në Kosovë e përmbyll Istogu me 5,800 euro të shpenzuara.

Kryetari i Ferizajt Agim Aliu, i cili ishte panelist në këtë emision, ka thënë se kjo komunë disa nga materialet që i ka përdorur në vitet e kaluara i ka ripërdorur edhe këtë vit për të kursyer sa më shumë paranë publike.

Ai ka thënë se Prishtina duhet të dekorohet më shumë se qytetet tjera pasi ka edhe numrin më të madh të turistëve dhe sipas tij edhe bizneset janë më shumë të interesuara për dekorime në kryeqytet se në qytetet tjera.

Aliu ka thënë se dekorimet dhe festimet e festave të fund vitit janë traditë edhe te shqiptarët.

Ai thotë se Viti i Ri ka shërbyer si moment feste për t’u bërë bashkë më shumë familjarë e për t’u dëfryer.

Ai thotë se edhe vendet muslimane festojnë sot Vitin e Ri me shumë fishekzjarre duke përmendur Dubajin./Telegrafi/