Përpjekja e përbashkët në vazhdimin e marrëdhënieve të mirë ndërfqinjësore dhe avancimi i këtyre marrëdhënieve si kontribut për stabilitetin, sigurinë dhe prosperitetin e rajonit ishte tema e takimit të kryeministrave të qeverive të Maqedonisë së Veriut dhe Serbisv, Zoran Zaev dhe Ana Bërnabiq.

Siç njoftojnë nga shërbimi qeveritar për shtyp, për realizimin e këtyre përpjekjeve të rëndësisë së madhe janë takimet në nivel presidentësh dhe kryeministrash që ndodhën gjatë tre-katër muajve në Serbi dhe Maqedoni, si dhe takimet në forumet rajonale, njofton Telegrafi Maqedoni.

Në takim mes kryeministrave është biseduar për planin aksional për zbatimin e Deklaratës për avancimin e bashkëpunimit rajonal që Maqedonia e Veriut, Serbia dhe Shqipëria e sollën në Ohër, e që në format më të gjerë forcohen zbatimi i katër masave konkrete, përkatësisht, qarkullimi i lirë i njerëzve, shërbimeve dhe kapitalit.

Ndërlidhje infrastrukturore si pjesë e bashkëpunimit rajonal dhe në këtë takim, kryeministrat Zaev dhe Bërnabiq u pajtuan se dy vendet duhet ta intensifikojnë komunikimin për identifikimin e interesave të përbashkëta për realizimin e nismave dhe projekteve infrastrukturore, energjetike dhe transportuese.