Kreu i Agjencisë Kosovare të Inteligjencës (AKI), Shpend Maxhuni ka dhënë dorëheqje nga posti i tij.

Këtë e ka bërë të ditur kryeministri në dorëheqje, Ramush Haradinaj, përmes një postimi në Facebook.

“Kam pranuar dorëheqjen e Drejtorit të AKI-së, z. Shpend Maxhuni, nga funksioni i tij në krye të Inteligjencës kosovare. Maxhunin e falënderova për bashkëpunimin profesional të deritashëm në mbrojtjen e sigurisë së vendit dhe popullit tonë”, ka shkruar Haradinaj.

Haradinaj nuk ka treguar motivin e dorëheqjes së Maxhunit, mirëpo ka falënderuar atë për kontributin e dhënë në këtë institucion deri tash.

“Për kontributin e tij në obligimet shtetërore dhe Institucionale e dekorova z. Maxhunin me Medaljen e Skenderbeut, me motivacionin për profesionalizëm dhe besnikëri në shërbim ndaj atdheut. Gjatë këtij mandati, Qeveria e Kosovës është angazhuar pandalë në forcimin e rendit dhe ligjit në vend dhe institucionet e sigurisë. Në këtë angazhim, roli i z. Maxhunit ka qenë i rëndësisë së veçantë dhe sot, AKI është një ndër institucionet më profesionale dhe më kredibile në vend dhe më gjerë”, është shprehur Haradinaj.

Ndrsyhe, Shpend Maxhuni kishte ardhur në krye të AKI-së në prill të vitti 2018.  Maxhuni ishte emëruar shef i AKI-së, pas shkarkimit të paraardhësit të tij, Driton Gashi.

Para ardhjes së tij në këtë post, Maxhuni ishte drejtor i përgjithshëm i Policisë së Kosovës./arbresh.info

https://www.facebook.com/RamushHaradinajOfficial/photos/a.228559177268504/1437698883021188/?type=3&theater