KQZ nisë numërimin e votave të diasporës në ora 21:00

16:46 | 5 Nëntor 2019
Arbresh.info

Komisioni Qendror i Zgjedhjeve kanë bërë të ditur se sot do të fillojnë me numërimin e 1806 pakove për të cilat vendosi sot Gjykata Supreme.

Zëdhënësi i KQZ-së Valmir Elezi ka thënë se numërimi do të fillojë sonte në ora 21:00.

“Me qëllim të zbatimit të aktgjykimit të Gjykatës Supreme do të fillojmë me procesin e vlerësimit të pakove të supozuara me fletëvotime. Pas këtij procesi, sonte në QNR (e martë, 5 nëntor, ora 21:00) do të fillojmë me numërimin e fletëvotimeve të aprovuara”, ka thënë Elezi.

Gjykata Supreme ka vendosur në favor të Lëvizjes Vetëvendsoje sa i përket 1806 kutive me vota të ardhura nga diaspora.

Aty shkruhet se miratohet si e bazuar ankesa e VV që të ndryshohet vendimi i Panelit Zgjedhor për Ankesa dhe Parashtresa derisa, detyrohet KQZ-ja që të bëjë verifikimin dhe numërimin e 1806 pako me fletëvotime të votuesve jashtë Kosovës.