Sot, reperi i njohur Mozzik feston ditëlindjen e tij. Ai ka lindur më 29 shtator të vitit 1995 dhe ka mbushur 24-vjeç.

Prej disa javësh, ai është kthyer në kryefjalën e mediave për shkak të krizës në marrëdhënie me Loredana Zefin.

Madje, ata nuk e ndjekin më njëri-tjetrin së fundmi në Instagram, duke konfirmuar kështu zërat për ndarje.

Mozzik nuk ishte i pranishëm në ditëlindjen e partneres në datën 1 të këtij muaji dhe me siguri as Loredana s’do të jetë në ditëlindjen e tij.

Mirëpo, në këtë ditë speciale për të, Mozzik e mori gjithsesi një mesazh të bukur dashurie.

Në profilin e vajzës së tij, Hanës, në Instagram është publikuar një foto e të voglës me reperin, ku krahas saj shkruhet:

“Gëzuar ditëlindjen babi! Të dua, Hana.”

https://www.instagram.com/p/B2-JRbAIyhR/?utm_source=ig_embed&utm_campaign=dlfix

Në llogarinë e Hanës shkruhet se adresa e saj menaxhohet nga Loredana dhe me siguri këtë mesazh dashurie për Mozzik e ka shkruar ajo.

Mesa duket, sot reperja i ka lënë pas mosmarrëveshjet mes tyre dhe ka bërë gjestin e bukur që jemi të bindur se e ka lumturuar reperin.