Sulmuesi i Real Madrid, Luka Jovic thotë se ishte i frymëzuar për të ndjekur ëndrrën e tij për t’u bërë një futbollist i suksesshëm, pasi e pa motrën e tij të kapërcente leukeminë.

21-vjeçari u rrit në një qytet të vogël të quajtur Batar para se të bashkohej me ekipin serbë Red Star Belgrade, duke e dërguar atë në një rrugë drejt Benficës dhe Eintracht Frankfurt para se të bënte një transferim prej 70 milionë eurosh në ‘Santiago Bernabeu’.

Por serbi zbuloi se udhëtimi i tij nuk ka qenë i lehtë, pasi motra e tij u diagnostikua me një sëmundje kërcënuese për jetën pak më shumë se një dekadë më parë, transmeton lajmi.net.

Duke e parë atë të dalë fitimtare nga kjo betejë, inkurajoi Jovicin që të jepte gjithçka në futboll, pasi thotë se donte të ishte “fitues” gjithashtu.

“Unë nuk flas shumë për këtë, por kur isha nëntë apo dhjetë vjeç, motra ime më e madhe ishte shumë e sëmurë dhe ky ishte momenti që shënoi jetën tonë”, tha ai për The Players’ Tribune.

“Mjekët zbuluan se ajo kishte leukemi dhe ajo ishte brenda dhe jashtë spitalit për një kohë të gjatë. Nëna ime kishte për të ndaluar menaxhimin e supermarketit për t’u kujdesur për të, për një vit të tërë, familja jonë u nda. Unë jetoja me babanë dhe gjyshin tim, duke shkuar në trajnimet në Red Star Belgrade, ndërsa mamaja ime qëndroi me motrën time”.

”Ishte kohë e vështirë, e cila më frymëzoi të arrija këtu ku jam”, u shpreh Jovic.