Inter nuk di të ndalet këtë sezon në Serinë A. Zikaltrit koleksionojnë fitoren e katërt me rezultatin 1-0 në 4 ndeshje në Serinë A. Viktima e radhës ishte Chievo, ndaj të cilës mjafton vetëm një gol i Icardit.

Pjesa e parë është shumë më e mirë për Chievon, që është më këmbëngulëse në lojën e saj dhe në disa raste vendos edhe në vështirësi portën zikaltër. Interi i Mancinit është shumë cinik, teksa në momentin më të mirë të vendasve shënon golin e avantazhit me Icardin. Sulmuesi argjentinas lëviz shumë mirë në zonë dhe e dërgon topin në rrjetë.

Fraksioni i dytë i sfidës është i barabartë me vendasit, që kanë më shumë iniciativ, por me Interin më të rrezikshëm. Paloschi nuk arrin të konkretizojë dy mundësi shumë të mirë, ndërkohë që Perisic është më shumë seç duhet egoistë.

http://www.dailymotion.com/video/x37cobq_all-goals-and-highlights-hd-chievo-0-1-inter-20-09-2015-hd_sport