Deputeti i VV-së e quan Edi Ramën tradhtar dhe gomar, Hashim Thaçin kriminel

00:18 | 11 Janar 2019
Trina Galanxhi

Deputeti i Lëvizjes Vetëvendosje, Sami Kurteshi, ka ofenduar rëndë kryeministrin e Shqipërisë Edi Rama duke e quajtur gomar dhe tradhtar.

Pas vendimit të tij për të emëruar Gent Cakajn në postimin e Ministrit të Jashtëm, Kurteshi ka thënë se është emëruar nga “gomari”.

Kurteshi, Hashim Thaçin e ka quajtur kriminel, ndërsa ka eskaluar duke e quajtur gazetarin Baton Haxhiun, kriminel dhe spiun të BIA-s.

Postimi i plotë i Kurteshit:

Edi Rama, jo vetëm është gomar por po bëhet edhe tradhëtar!

Kosovare/ë/t në Qeverinë e Republikës së Shqipërisë i emëron Kryeministri, qoftë ky edhe gomar. E drejtë legjitime e të parit.

Por Kosovare/ë/t për poste ministrash në Qeverinë e Republikës së Shqipërisë kur i delegon krimineli dhe spiuni u udb-bia Baton Haxhiu, me apo pa kërkesën e kriminelit Hashim Thaçi, e i emëron Kryeministri i Shqipërisë, qoftë ai edhe gomar, është edhe tradhtar.